Me iniciativën për të bashkuar tokën shqiptare me atë italiane, Eva Buzo i shkoi shumë afër ëndrrës, për ta ndërprerë garën rreth 9 milje larg nga bregu i Vlorës.
Ditën e sotme ajo ishte e ftuar në emisionin “Wake Up”, ku tregoi se si është gjendja e saj shëndetësore.
“Ndihem shumë mirë, kam ende disa shenja në krahët e mi, por gëzoj shëndet të plotë”, tha Buzo.
E pyetur nëse i vjen keq që sfida nuk mbaroi ashtu siç e kishte menduar, Eva u shpreh:
“Nuk ndihem keq, do doja ta kisha përfunduar. Por kur vendos që të bësh diçka të kësaj madhësie, do marrësh parasysh se edhe mund të dështosh. Nuk ishte e mundur arritja e këtij qëllimi”.
