Korça ka ndezur dekorin e festave të Dhjetorit. Ndryshe nga vitet e tjera dekori i veçantë dhe ndriçimi u vendos në qendër të qytetit, sheshe dhe arteriet kryesore si dhe në Pazarin e Vjetër, si zona më e frekuentuar nga vizitorët e shumtë.
Lojrat për fëmijë, por edhe pista e patinazhit do të plotësojnë atmosferën e ngrohtë dhe do gjallërojnë me aktivitete të larmishme qytetin, që kthehet gjatë dimrit në qendrën kryesore të turizmit në vend.
ko
Veç dekorit, Korça do të ofrojë për vizitorët përgjatë Dhjetorit edhe aktivitete të larmishme si në salla të mbyllura ashtu edhe në sheshe. Festat e fundvitit pritet të sjellin në Korçë fluks vizitorësh vendas dhe të huaj.
