Ministri i Punëve të Jashtme, Igli Hasani ka zhvilluar takime me homologë në Mynih, gjatë zhvillimeve të punimeve për Konferencën e Sigurisë.
Përmes një postimi në rrjetet sociale, Hasani u shpreh se fokus i bisedimeve ishte përshpejtimi i procesit të integrimit evropian të Ballkanit Perëndimor.
Gjithashtu, sipas krydiplomatit shqiptar, u diskutua për përpjekjet e përbashkëta për sigurinë dhe paqen e qëndrueshme nën sfidat aktuale globale.
“Në Konferencën e Sigurisë në Mynih u takova me homologët e mi nga Mariya Gabriel, Donika Gërvalla-Schwarz, Ian Borg, Grlic Radman, Ilia Darchiashvili, Mihai Popșoi, Elmedin Konaković, Eric Beißwenger, Sekretaren e Shtetit Susanne Baumann, të dërguarin special për Ballkanin Perëndimor, Lordi Stuart Peach dhe Kryetaren e Komisionit të Jashtëm, Alicia Kearns.
Diskutuam agjendën tonë dypalëshe, me fokus në përshpejtimin e procesit të integrimit evropian të Ballkanit Perëndimor dhe përpjekjet tona të përbashkëta për sigurinë dhe paqen e qëndrueshme nën sfidat aktuale globale”, shkruan Hasani në Facebook.
