“Shpresoj të ketë një reagim të shpejtë të institucioneve të Maqedonisë dhe opozitës së ‘ftohur’ maqedonase. Tek fëmijët nuk duron askush!”, ka përfunduar Majko.
Ish kryeministri i Shqipërisë, Pandeli Majko reagoi përmes rrjetit social “Facebook”, në lidhje me ndodhitë e djeshme në rrugët e Shkupit, pak minuta pas orës 16, kur dhjetëra qytetarë mbetën të lënduar kurse shumë vetura e objekte u thyen, shkroi: “Kafshëri nazistësh mbi fëmijët shqiptarë ka shpërthyer në Maqedoni. Në fillim me maska në ambientet e shkollës dhe sot në Shkup nga tifozë ‘të mërzitur’… Kam frikë se dikush në prapaskenë po luan me zjarrin për të përdorur shpërthimin e zemërimit të shqiptarëve për “LODRAT E PUSHTETIT”… Kanë një fjalë të vjetër sa vetë shqiptarët, që e thonë në Shkodër: “Mos e grah grethin me krande se e ban për të zezën tande!”.
“Shpresoj të ketë një reagim të shpejtë të institucioneve të Maqedonisë dhe opozitës së ‘ftohur’ maqedonase. Tek fëmijët nuk duron askush!”, ka përfunduar Majko.
