Nesër pritet të zbardhet emri i kandidatit të majtë që do të konkurrojë për bashkinë e Tiranës. Kryeministri Edi Rama njoftoi të premten që shkoi se, brenda kësaj jave, do të jenë gati të gjitha kandidaturat për tryezën e koalicionit:
“Unë besoj që brenda javës së ardhshme, dhe mendoj në mesjavë, ne do të jemi gati me të gjitha kandidaturat për tryezën e koalicionit”, tha Rama.
Me sa duket, gara brenda Partisë Socialiste ka qenë e fortë, pasi bërja publik e kandidatit apo kandidates, ka zgjatur më shumë se ç’është menduar.
