Kryeministri Rama ka folur sot për herë të parë në grupin parlamentar pas propozimit të Ilir Metës për Qeveri teknike pas 21 Korrikut.
Në një fjalim të shkurtër të mbajtur para deputetëve, ai tha se këtë të enjte fokusi do të jetë vetëm në një pikë: votimi i reformës.
Sipas Ramës, të enjten do të përcaktohet nëse Shqipëria do të jetë përkrah SHBAsë dhe BEsë.
“Ne do shkojmë të enjten në seancë vetëm për të votuar reformën dhe s’kemi asnjë diskutim tjetër. Pas saj do shohim si do zhvillohen gjërat. Të enjten përcaktohet nëse ne do të jemi përkrah SHBAsë dhe BE0së, ose nuk dihet se ç’bëhet. Kjo është një e panjohur e madhe ”, mësohet të ketë thënë Rama në mbledhjen pa media.
Sipas gazetës Panorama, ai ka falënderuar deputetët për kontributin e tyre për draftin e Reformës në Drejtësi. Ndërsa kreu i grupit parlamentar, Gramoz Ruçi ka kërkuar që në seancën e të enjtes të mos ketë asnjë mungesë.