Paketa e ndryshimeve kushtetuese që do të votohet të enjten në Kuvendin e Shqipërisë është çështja e parë e rendit të ditës së seancës plenare të 21 korrikut.
Agjenda zyrtare e publikuar të martën nga Kuvendi parashikon një seancë me 10 pika.
Ndryshimet në Kushtetutë kërkojnë një miratim me shumicë të cilësuar, 2/3 e të gjithë anëtarëve të Kuvendit ose 94 vota.
Sipas rregullores, për draftin kushtetues do të shprehen relatorët e komisionit për reformën në drejtësi, ndërsa më pas janë parashikuar diskutime nga deputetët dhe më pas në emër të grupeve parlamentare.
Në këtë seancë, e cila po cilësohet si historike për shkak të reformës, do të diskutohen edhe disa pika të tjera të rendit të ditës.
