Punimet në vijën bregdetare të qytetit të Vlorës, njohur ndryshe projekti i Lungomares, janë kryer në masën 70%.
Bashkia e qytetit bregdetar pezulloi gjatë verës punimet për të mos krijuar problematikë dhe ndotje gjatë sezonit turstik, dhe aktualisht puna ka rinisur.
Kryebashkiaku Dritan Leli, tha se sezoni i ardhshëm do ta gjejë Vlorën me fytyrën e vërtetë turisike me përfundimin e Lungomares.
Dritan Leli: “Projekti i shumëpërfolur do të jetë fytyra turistike e Vlorës. Projekti po rend me hapa të shpejtë dhe sezonin e veror të 2017 do të jetë gati.
Realizimi i këtij projekti dhe vijmësia e punimeve ka ngjallur në mjaf raste kundërshtim të qytetarëve deri në protesta me pretendimin se po paralizohet trafiku dhe po ndotet bregdeti. Kryebashkiaku Leli kërkon mirëkuptimin e tyre duke garantuar se lungomare është projekti më ambicioz i këtij qytetit.
Lungomare është projekt që shtrihet në një gjatësi prej 5 km, projektuar nga arkitekti Xavier de Geyter.
Kanë përfunduar punimet nëntokësore, zgjerimi në zonën e rërës.
Projekti parashikon ndërtimin e një parku, hapësirë sportive, korsi bicikletash. Investimi financohet nga BE dhe qeveria shqptare dhe arrin në vlerën e 12 mln euro.
