Pasditen e sotme një 46-vjeçar është arrestuar nga policia e Tiranës me akuzën se ka përfituar para duke mashtruar një qytetarë se do t’i nxirrte vizën kanadeze familjare.
Vënia në pranga e Fatmir Allës u bë rreth orës 18:00 nga Seksioni për Krimin Ekonomik Financiar me akuzën për veprën penale të “mashtrimit”, ku mësohet se ai prezantohej si punonjës në Konsullatën Kanadeze.
Ka qenë vetë qytetari i cili ra pre e mashtrimit të Allës, ai që ka bërë denoncimin në polici.
Burime zyrtare nga policia thanë se Kastriot C. 44 vjeç me banim në Tiranë, ka deklaruar se Fatmir Alla i ka marrë 70 mijë euro duke e mashtruar për nxjerrjen e vizave Kanadeze famijare duke u prezantuar si punonjës i Konsullatës e Kanadeze.
