Kreu i Kuvendit Ilir Meta ka zhvilluar sot një vizitë punë në Bruksel, ku shoqërohet nga ministrja e Integrimit Klajda Gjosha.
Meta ka zhvilluar takime në Parlamentin Evropian, ku është pritur nga zëvendëspresidenti i PE dhe kryetari i grupit “Miqtë e Shqipërisë”, David Sassoli.“Mirënjohje Parlamentit Evropian dhe grupit ‘Miqtë e Shqipërisë’ për mbështetjen ndaj integrimit”, tha Meta.
Ndërkohë Sassoli duke e konsideruar vendin tonë si një kyç për stabilitetin në rajon, theksoi se “Shqipëria ka bërë progres të madh dhe do të ketë mbështetjen tonë të plotë”.
Ndërkaq kreu i Kuvendit Meta shtoi se “mirëpresim vendimin e Këshillit Evropian dhe se Kuvendi është i fokusuar në rekomandimet e Progres Raportit”. Meta nënvizoi se është “e rëndësishme të avancojmë perspektivën evropiane të Ballkanit”.
