“Vendimi i Gjykatës së Apelit Durrës për të lënë të lirë kriminelin e njohur Lulzim Berisha, duhet të shërbejë si këmbanë alarmi”.
Kështu e ka cilësuar Ministri i Brendshëm Saimir Tahiri vendimin e marrë nga gjykata pak ditë më parë për të liruar “të fortin e Durrësit”.
Sipas ministrit, kjo tregon edhe një herë kapjen e gjykatave nga korrupsioni, duke shtuar se kjo e bën jetike zbatimin e ligjit të Vettingut.
“Lirimi i tij të shërbejë si kambanë alarmi për ata që pengojnë vetingun. Ky proces është i vetmi që mund të pastrojë gjyqësorin nga korrupsioni. Këto vendime janë shprehje e atyre që bëjnë zullume për shkak të vetingut”, tha Tahiri.
Më herët ishte ambasadori i SHBA, Lu, i cili e cilësoi të papranueshëm vendimin e Gjykatës së Durrësit që liroi Lulzim Berishën.
