Kryeministri i Shqipërisë, Edi Rama ka njoftuar se Polonia mbështet vendosmërisht Shqipërinë në rrugën e integrimit të plotë në Bashkimin Evropian.
Në një postim në Facebook, Rama ka folur për vizitën e kryeministres së Polonisë, Beata Szydlo.
“Sot me kryeministren e Polonisë Beata Szydlo, për të thelluar marrëdhëniet shumë të mira mes Shqipërisë dhe Polonisë.
Polonia mbështet vendosmërisht vendin tonë në rrugën e integrimit të plotë në Bashkimin Evropian dhe kryeministrja polake sot nënvizoi progresin e madh që ka bërë Shqipëria në këtë rrugë”, ka shkruar Rama.