Kryetari i PD, Lulzim Basha, ka njoftuar këtë të shtunë mbajtjen e një takimi me kryetarin e BDI-së, Ali Ahmeti.
Sipas një njoftimi të postuar në rrjetet sociale, Basha i ka sugjeruar Ahmetit që shqiptarët të jenë pjesë vendimtare e qeverisjes maqedonase që do të formohet pas zgjedhjeve të fundit të mbajtura në këtë vend.
“Pata nderin dhe kënaqësinë të prisja dhe bisedoja me Ali Ahmetin. Shkëmbyem mendime për problemet politike të ditës. I shpreha Ahmetit bindjen se përfshirja e shqiptarëve në qeverisjen e ardhshme maqedonase duhet të garantojë zbatimin e Marrëveshjes së Ohrit dhe respektimin e plotë të lirive, të drejtave dhe barazisë së shqiptarëve në shoqërinë dhe shtetin e Maqedonisë”, ka thënë Basha në profilin e tij në Facebook.
