Asnjë prej përfaqësuesve të familjes Cali nuk është paraqitur të dëshmojë në gjyqin kundër deputetit Armando Prenga.
Seancën e kësaj të hëne duhej të paraqiteshin për të dëshmuar Gjon, Julian dhe Dorian Cali.
Gjykata ka dhënë urdhër që seancën e ardhshme përfaqësuesit e familjes Cali të shoqërohen nga policia.
Ndërkohë gjykata ka marrë dëshminë e mjekut Artan Distafa, i cili ka qenë i gatshëm natën e ngjarjes kur deputeti Armando Prenga u konfliktua me familjen Cali për të drejtën e shfrytëzimit të lagunës së Patokut. Gjatë konfrontimit pati edhe të shtëna me armë zjarri, por fatmirësisht pa lëndime në njerëz.
