Llogaritja për pagat në struk turën e Policisë së Shtetit dhe Forcave të Armatosura, tash më ka përfunduar dhe nga muaji mars, këto kategori do të marrin mesatarisht 11 mijë me lekë më shumë se sa paguhen aktualisht. Sipas tabelave të Ministrisë së Financave, që pritet të miratohen javën në vijim, oficerët e këtyre gradave marrin një pagë mesatare prej 58.930 lekë në muaj, teksa në shtesat e propozuara do të përfitojnë mesatarisht 69 mijë lekë në muaj. Me formulën e propozuar duket se nuk do të ketë një rritje të lartë të pagave të drejtuesve, por do të përfitojnë më shumë oficerët me gradë më të ulët. Kryeinspektori do të përfitojë 9500 lekë në muaj më shumë rrogë, ndërsa nën/komisari dhe komisari do të kenë një rritje në rrogë me 8 mijë lekë në muaj.
Për sa i përket oficerëve me gradë Komisar dhe Kryekomisar shtesa në rrogë do të jetë me rreth 6 mijë lekë në muaj. Konkretisht një komisar do të marrë një pagë prej 91 mijë lekësh në muaj në krahasim me 83.540 lekë që merr aktualisht. Për sa i përket Kryekomisarëve, ata do të kenë një rrogë 106 mijë lekë në muaj në krahasim me 99.950 lekë që marrin sot. Për sa i përket drejtuesve të parë ata do të kenë një pagë prej 122 mijë lekësh në muaj në krahasim me 116.710 lekë që përfitojnë aktualisht.
Sipas Ministrisë së Financave vetëm për zëvendësdrejtorët e përgjithshëm nuk do të ketë rishikim të pagës. Kurse drejtori i Përgjithshëm i Policisë së Shtetit do të ketë një rrogë prej 159.500 lekë në muaj nga 155.750 që përfiton aktualisht. Studimi i përgatitur për pagat e uniformave blu, është ndarë në dy faza, kjo për shkak të ndryshimit të gradave të tyre. Pagat e punonjësve të policisë për vitet 2005-2008, përfaqësojnë një sistem që përfshin 13 grada policore, të cilat nuk janë të krahasueshme me sistemin aktual të gradave. Në këtë sistem, grada më e ulët është grada “Agjent” deri tek grada “Drejtor i Përgjithshëm” dhe paga mujore bruto e tyre nuk parashikon pagën për vjetërsi në shërbim.
Ndërkohë, në pagën bruto të punonjësit përfshihen shtesat e pagës për kushte pune, për orë jashtë orarit dhe shtesa të tjera, shtesa të cilat janë të konsiderueshme në funksione të caktuara por dhe janë shumë të ndryshme për funksione të ndryshme. Për këtë arsye, për të pasur bazë krahasimi në vite, shtesat e pagës për kushte të veçanta pune për çdo gradë janë marrë mesatarisht në masën minimale prej 6,500 lekë/muaj, por që aktualisht këto shtesa shkojnë edhe deri në 20 000 lekë/muaj. Pagat e punonjësve të policisë për vitet 2008--2014, përfaqësojnë një sistem që përfshinte 10 grada policore dhe që reduktohen me 9 grada policore në vitin 2015 dhe me hyrjen në fuqi të ligjit të ri të Policisë së Shtetit reduktohen në 8 grada.
Pra, reduktohen gradat “Ndihmës¬inspektor”, “Krye¬inspektor” dhe “Nën/¬komisar”. Në sistemin me 9 grada, grada më e ulët ishte grada “Nën/inspektor” ndërsa në sistemin aktual grada më e ulët është “Inspektor” dhe grada më e lartë “Drejtor i Përgjithshëm”. Sipas këtij sistemi të krijuar dhe zbatuar në vitin 2009, në pagën bruto të punonjësit përfshihet për herë të parë shtesa e pagës për vjetërsi shërbimi e cila fillon të llogaritet në masën 1% të pagës për gradë që nga data e fillimit të ligjit si dhe, shtesa e pagës për kushte pune, për orë jashtë orarit dhe shtesa të tjera, të cilat ekzistonin edhe në sistemin e mëparshëm. Për të pasur bazë krahasimi në vite, shtesat e pagës për kushte të veçanta pune çdo gradë janë marrë mesatarisht në masën minimale prej 6500 lekë/muaj, por që aktualisht këto shtesa shkojnë edhe deri në 40 000 lekë/muaj, pa përfshirë orët e punës jashtë orarit, shtesat e pagës për ditët e festave zyrtare, etj.
Tabela
Rritja e pagës për çdo gradë do të shkojë nga 8 deri në 10 për qind. Numri i përfituesve është rreth 6750 ushtarakë ndërsa fondi i akorduar për këtë qëllim është 480 milion lekë. Nga kjo rritje, niveli i pagës për gradë rritet minimalishit me 4000 lekë/muaj dhe maksimalisht rritja shkon në 12560 lekë/ muaj, sipas hierarkisë së gradave. Pavarësisht se në përqindje janë funksionarët me gradë të ulët që përfitojnë më shumë, kur rritja përkthehet në shifra situata ndryshon .
