Zbulohen emrat e trupës së gjyqtarëve që morën sot një tjetër vendim shokues dhe të papritur duke shpallur të pafajshëm, bandën “Hakmarrje për Drejtësi”.
Kështu, sipas asaj që raporton media, trupa e gjyqtarëve të seancës së sotme përbëhej nga relatori Alaudin Malaj, ndërsa anëtarët e tjerë kanë qenë Artur Kalaja, Stavri Kallço, Sotiraq Lubonja dhe Etleva Temo.
Apeli i Krimeve të Rënda dha mesditën e sotme vendimin që i shpall të pafajshëm të gjithë pjesëtarët e kësaj bande, disa prej të cilëve ishin dënuar me 25 vite burg e të tjerë me burgim të përjetshëm.
“Hakmarrje për Drejtësi” është një nga bandat më të njohura dhe famëkeqe në vend, ndaj të cilëve rëndonin akuza për vrasje nga më të ndryshmet.