Ish-Ministri i Drejtësisë, Ylli Manjani, e ka cilësuar të papranueshëm udhëzimin e Komisionit Qëndror të Zgjedhjeve, sipas të cilit partia LIBRA rrezikon të mbetet jashtë zgjedhjeve parlamentare të qershorit.
Për Manjanin, ky propozim i Kryeministrit nuk ka asnjë lidhje as me Kodin Zgjedhor e as me Kushtetutën.
“Ka lidhje me Ben Blushin dhe me Mimoza Hafizin dhe me aktivitetin e tyre politik. Ka lidhje me hakmarrjen primitive politike të Kryeministrit!Nuk bllokohen sot kundërshtarët të konkurrojnë! Diktatura e Proletariatit është rrëzuar njëherë e mirë nga sistemi politik dhe juridik i Shqipërisë” shkruan Manjani në fb.
Manjani i sugjeron KQZ të respektojë Kushtetutën dhe ligjin e jo udhëzimet e diktaturës së proletariatit të Kryeministrit!
“Duhet rrefuzuar ai palo Udhëzim!”