Deputeti dhe njëherësh kreu i LIBRA-s Ben Blushi, nuk ka mohuar mundësinë e një aleance me LSI-në për të krijuar një pol të tretë në politikën shqiptare.
I pyetur lidhur me një koalicion të mundshëm mes të dyja forcave politike, Blushi tha se ky nuk është një vendim që ai mund ta marrë i vetëm, por në bazë të rregullores së LIBRA-s e vendosin të gjithë anëtarët.
Megjithatë ai shtoi se nëse do të ishte në dorën e tij, ai do të zgjidhte që LIBRA të shkonte e vetme në zgjedhje.
“Nëse do të më pyesni mua, unë dua që LIBRA të shkojë në zgjedhje vetë. Por ky nuk është një vendim që më përket mua, port ë gjithë anëtarëve. Për këtë arsye ky është një vendim që do ta marrim të gjithë bashkë.” tha Blushi
Lidhur me një koalicion me Ramën, depueti Blushi e mohoi kategorikisht, duke sqaruar se ai sapo është larguar nga kjo parti e cila e sulmoi atë për shkak të kritikave që Blushi bëri për mosmbajtjen e zgjedhjeve Brenda PS.
