Media ka mësuar emrat e tre gjyqtarëve në garë për të plotësuar vendin vakant në Gjykatën Kushtetuese.
Ata që konkurrojnë janë dy gjyqtarë nga Gjykata e Lartë dhe një gjyqtarë nga shkalla e parë e Krimeve të Rënda.
Medi Bici, Ardian Dvorani dhe Luan Hasneziri janë gjyqtarët të cilët janë në garë për tu bërë pjesë e Gjykatës Kushtetuese. Një nga këta tre gjyqtarë pritet të zëvendësojë në kushtetuese Vitore Tushën të cilës i mbaron mandati.
Por si do të zgjidhet gjyqtari që do marrë postin në kushtetuese?
Ky vend vakant, sipas kuadrit ligjor në fuqi, i krijuar në Gjykatën Kushtetuese, është emërtesë e Gjykatës së Lartë.
Pra, zgjedhja e këtij anëtari do bëhet nga Mbledhja e Përgjithshme e gjyqtarëve të Gjykatës së Lartë, ka sqaruar Gjykata e Lartë në hapjen e garës më 16 janar 2017.
