Ministri i Drejtësisë Petrit Vasili ka firmosur shkarkimin nga detyra të Petrit Koshaj, me detyrë drejtor i Policisë së Burgjeve në Drejtorinë e Përgjithshme të Burgjeve.
Burime për Report tv bëjnë të ditur se motivacion kanë qenë shkeljet e rënda që dyshohet se Koshaj ka kryer gjatë ushtrimit të detyrës.
Koshaj e mbante këtë detyrë prej dhjetorit të vitit 2015.
Ai u prezantua nga minstri i atëhershëm Ylli Manjani, si dhe drejtori i Përgjithshëm i Burgjeve, Artur Zoto, i cili është arrestuar.
Artur Zoto, pjesë e LSI dha dorëheqjen pas skandalit me tenderat e ushqimeve që përfshiu institucionin që drejtonte.
Ai u arrestua pas Iljaz Labit, zv/drejtori i Pergjithshemi Burgjeve.
Në total shkon ne 6 numri i të arrestuarve për tenderat e ushqimeve në burgje, pasi në korrik te vitit te kaluar u arrestuan edhe katër administratorët e kompanive që ishin përfshirë në tenderat fiktivë.
