Në portin e Vlorës ka mbërritur këtë fundjavë një kroçiere me 148 turistë gjermanë.
Krocierja “La belle de l’Adriatique”, e ka shndërruar tashmë në një destinacion të përhershëm Vlorën, në guidat e saj turistike.
148 turistët gjermanë janë mirëpritur ngrohtësisht nga stafi i “Portit Detar” Vlorë dhe iu është ofruar informacion në lidhje me portin dhe zonat turistike të qytetit.
Turistët që ndalen në portin e qytetit jugor, zakonisht kanë në guidën e tyre edhe destinacione të tjera për të vizituar përveç Vlorës, siç janë Apollonia në Fier dhe qyteti i Beratit.
