Është publikuar një video ditën e sotme, ku duket një polic që i vë prangat një personi.
Ngjarja mësohet se ka ndodhur ditën e djeshme në Elbasan, tek Ura e Zaranikës, dhe ka shkaktuar mjaft panik te qytetarët.
Ende nga policia e Elbasanit nuk janë dhënë detaje në lidhje me këtë ngjarje, ndërsa raportohet se polici është i Krimeve të Rënda në këtë qytet.
Po ashtu, qytetari që ka dërguar videon tek ‘JOQ’, shkruan se polici e ka arrestuar këtë person, pasi i ka zënë rrugën me biçikletë, dhe jo për ndonjë motiv tjetër.
E gjithë ngjarja ka ndodhur në sy të gruas dhe fëmijëve të tij, ka deklaruar raportuesi, ndërsa pretendon se është përdorur edhe dhunë ndaj tij.
Ndërsa, pritet një reagim nga Policia e Elbasanit, për të hedhur dritë mbi këtë ngjarje.