Policia e Beratit ka arrestuar ditën e sotme drejtorin e shkollës së mesme “Babë Dudë Karbunara” në këtë qytet.
Në pranga është vënë Yzedin Hajdaraj pas kallëzimit që i kanë bërë dy nxënëse në polici se i ka ngacmuar seksualisht në zyrën e tij.
Mësohet se dy vajzat kishin shkuar në zyrën e tij për të biseduar për një provim të mbartur, ndërsa aty vajzat pretendojnë se janë ngacmuar nga drejtori.
Hajdaraj, përveç se mbante postin e drejtorit, jepte edhe lëndën e Matematikë-Fizikës në këtë shkollë.
Më pas ato kanë vënë në dijeni prindërit në lidhje me situatën, dhe menjëherë kanë bërë edhe kallëzim në Polici.
