Deputeti Ben Blushi ka ironizuar zhvillimet e fundit që kanë ndodhur me listën e kandidatëve për deputet të Partisë Demokratike, ku disa prej tyre janë tërhequr nga gara.
Blushi shkruan në një status në rrjetet sociale se ka mund t’i ofrojë Partisë Demokratike t’i plotësojë listat nëse kjo e fundit nuk ja del dot.
Statusi i plotë i Ben Blushit
NJË OFERTË E SINQERTË PËR PD
PD ka rregjistruar vetem 95 kandidatë nga 140 që kërkon ligji, ndërkohë që LIBRA ka kandiduar 163 burra dhe gra nga gjithë Shqipëria. Nëse ata nuk kanë mundësi dhe u rrezikohet sërish hyrja në zgjedhje ne mund t’ua plotësojmë listën, me kusht që pas zgjedhjeve të mos ngrenë një cadër para selisë LIBRA për të na i kërkuar deputetët mbrapsht.
