Një tjetër denoncim ka ardhur nga qyteti i Rrëshenit, sa i takon kërcënimit të qytetarëve të përfshirë në fushatën elektorale.
Burime nga policia bëjnë me dije se një i ri është telefonuar dhe kërcënuar që të mos dilte më dhe të bënte fushatë elektorale.
Denoncimi është bërë nga 35-vjeçari me inicialet A. M., banues në Rrëshen. Ky i fundit ka kallëzuar se 3 ditë më parë është kanosur me anë të telefonit, nga një person i panjohur, për të mos bërë fushatë elektorale në qytetin e Rrëshenit.
Ndërkaq, pas marrjes së denoncimit uniformat blu kanë nisur punën për identifikimin dhe kapjen e autorit.
