Policia e kërkonte kudo pasi për 48 vjeçarin shqiptar kishte 3 urdhër arreste dhe një vendim gjykatë që e dënonte me 7 vite burg për vjedhje e dhunë në familje.
Emri i shqiptarit nuk bëhet i ditur nga media italiane, por ajo që mësohet është se 48 vjeçari i ishte shmangur drejtësisë së gjykatës në Firence duke u larguar nga vendi.
Hajduti ishte kthyer në Shqipëri dhe kishte ndryshuar emrin, i bindur se kësisoj do të shpëtonte nga burgu nëse rikthehej në “parajsën” e tij.
Por ky ka qenë vendimi i gabuar. Patrulla e policisë së Fierences që ndodhej në zonën e tregut në San Lorenzo e ka ndaluar 48 vjeçarin gjatë një kontrolli rutinë.
Pavarësisht se shqiptari u prezantua me identitetin e ri, policia ka nuhatur diçka të dyshimtë dhe ka vendosur të kryejë një kontroll më të imtësishëm. Në përfundim, gjithçka është zbuluar dhe ka fituar intuita e oficerëve të policisë.