Petrit Çela biznesmeni që u shpall në kërkim nga policia e Elbasanit, pasi mjeti i tij i blinduar përplasi me forcë makinën e zyrtarit të policisë ka reaguar pas gjithë ngjarjes së ndodhur.
Në një prononcim për “News 24” ka hedhur poshtë lajmin se ai është në kërkim: “Ky është një laj i rremë. Nuk isha i shpallur në kërkim, jam shoqëruar në polici për të dhënë shpjegime”- ka thënë ai.
Sipas tij, natën e incidentit tregu agroushqimor ka qenë i mbyllur. “Policia nuk kishte vendim gjykate për të ushtruar kontroll”- thotë ai, duke shtuar se me gjithë këtë policia i bëri kontroll edhe banesës së tij.
