Kryetari i Partisë Demokratike Lulzim Basha ka zbuluar sot për mediat emrin e personit me imunitet, që sipas tij i bëri presion policisë që të lironte të shumëkërkuarin Durim Keçi, sot i lënë në masën e sigurisë “Arrest me burg”.
Teksa numëroi çështjet e rëndësishme që u diskutuan në mbledhjen e grupit të PD-së, Basha theksoi se “beteja kryesore është për të larguar nga karrigia e pushtetit ata që janë bërë njësh me krimin e organizuar dhe mafian në pushtet”.
Para medias, kryedemokrati i është referuar arrestimit të të shumëkërkuarit Durim Keci dhe ka thënë se në dijeninë e ti dhe PD, persona me imunitet kanë ndërhyrë për ti bërë presion policisë për lirimin e tjj.
“Beteja jonë për shkëputjen e lidhjes krim-shtet do të vazhdojë, ftojmë gjithë gazetarët kurajozë në këtë betejë. Gazetari Artan Hoxha bëri me dije se pas arrestimit të Durim Keçit persona me imunitet i bënë presion policisë, në dijeninë tonë është kryetari i bashkisë së Durrësit, Vangjush Dako dhe një deputet i PS-së”, tha Basha.
