Kryeredaktori i Klan Plus, Mentor Kikia i ftuar në “Ekopolitikë” nga Aurora Sulçe në Ora News, thotë se trafikantët e drogës po zaptojnë vijën bregdetare.
Kikia: Vitet e fundit, trafikantët nuk janë më atë njerëzit që kapardisen me makina të shtrenjta luksoze, që hedhin para nëpër lokale.
Ka ndodhur një fenomen shumë më i rrezikshëm dhe më i keq për të ardhmen e vendit; pothuajse në të gjithë bregdetit qëndrojnë në prona të blera. I gjithë brezi i pishave që janë mbjellë me punë vullnetare është i rrethuar me tela nga Velipoja deri në Vlorë.
Bregdeti i gjithi është shitur. Janë kontraktuar nga njerëzit e pasur, të cilët kanë ndërmjetësuar me kushtin që prona tu jepet. Këta do të diktojnë zhvillimin e turizmit në të ardhmen. Ky është një rrezik që nuk e jep efektin sot për nesër, por afatgjatë.
