Partia Socialiste ka zyrtarizuar nismën për të shkarkuar kreun e KQZ Klement Zguri, duke ia paraqitur atë kreut të Kuvendit të Shqipërisë.
Sipas maxhorancës, Zguri ka shkelur ligjin e dekriminalizimit pasi nuk ka shqyrtuar kërkesën e Prokurorisë për kreun e Bashkisë Mallakastër Agron Kapllnaj, i skeduar në Itali për veprën penale: “Vjedhja”. Sipas socialistëve, edhe pse Zguri erdhi në krye të KQZ-së si pjesë e marrëveshjes së 18 majit Rama-Basha, nuk u ngrit në lartësinë e detyrës dhe e drejtoi këtë institucion si njeri partiak.
