Largimi drejt Gjermanisë nga ana e ish Ministrit të Brendshëm Saimir Tahiri është një akt i cili bie në kundërshtim edhe me atë që vendosi kuvendi i Shqipërisë, kur miratoi mosarrestimin e tij.
Është zbuluar këtë të shtunë një pjesë e dokumentit që mban firmën e kryetarit të Kuvendit Gramoz Ruçi, ku në mënyrë të qartë shkruhet se parlamenti i jep autorizim Prokurorisë për kontrollin e banesës së Tahirit por edhe për moslejimin e daljes së tij, jashtë territorit të Shqipërisë.
Lëvizja e Tahirit në Gjermani u krye për arsye personale )i ati po kryen një ndërhyrje kirurgjikale), por nga ana tjetër, vetë Prokuroria e Krimeve të Rënda, pavarësisht se kishte deklaruar më herët se kishte dyshime se ish ministri mund të arratisej, sërish nuk ka kërkuar nga gjykata që Tahirit t’i pezullohej pasaporta.
