Përveç reshjeve të dendura të shiut që kanë përmbytur një pjesë të mirë të vendit, në Veri të Shqipërisë raportohet për reshje bore.
Bëhet fjalë për qytetin e Pukës, ku gjatë mbrëmjes së sotme ka nisur të bjerë borë.
Nga të dhënat e para theksohet se reshjet kanë arritur në trashësinë e 10 centimetrave dhe pritet të vijojnë në orët e ardhshme.
Duke marrë parasysh situatën e vështirë, autoritetet këshillojnë të gjithë drejtuesit e mjeteve që të lëvizin me zinxhirë. Në disa fshatra raportohet për mungesë të energjisë elektrike, ndërkohë që elektricistët kanë nisur punën për riparimin e defekteve.
