Pak më parë vetë televizioni “Zjarr TV” na njoftoi se gjatë natës që lamë pas, persona të paidentifikuar ende dhe të maskuar kanë sulmuar dhe hyrë me forcë në ambientet e këtij televizioni.
Siç mësohet hajdutët kanë mundur të marrin vetëm dy kamera të “Zjarr TV”, të cilat ndodheshin në studio dhe pasi kanë shkaktuar disa dëme të tjera materiale, janë larguar nga vendi i ngjarjes.
Televizioni shkruan përbri pamjeve të publikuara:
Ku po jetojmë?! Kur grabitet një televizion i pajisur me kamera sigurie, çfarë ndodh me qytetarin e thjeshtë?”
Në videot e mëposhtme gjeni gjithë momentin e kryerjes së vandalizmit, nga pjesa kur personi i parë thyen derën dhe hyn brenda, e deri tek largimi i tyre.
