Zbatimi i kushtetutës dhe i procesit është qëllimi kryesorë që mbështet Partia Socialiste për çështjen e zgjedhjes së kryeprokurorit të përkohshëm.
Ai do të zgjidhet me shumicë të thjeshtë.
Lajmin e bëri të ditur Ulsi Manja, kryetar i Komisionit të Ligjeve në mbledhjen e sotme të grupit parlamentar socialist, i cili theksoi se sipas ligjit emri i kryeprokurorit duhet zgjedhur me shumicë të thjeshtë.
Duke theksuar se PS nuk ka në qëllim të saj emrin e kryeprokurorit por procedurën ligjore, Manjan nënvizoi se kryeprokurori duhet të vijë nga sistemit i prokurorisë, pra të jetë me eksperiencë, nga më të vjetrit e sistemit dhe gjithashtu dhe të ketë magjistraturë. “Mjafton një jetëshkrim i kandidatit, i cili plotëson kushtin e eksperiencës dhe magjistraturën dhe i hapet rruga kandidimit. Ne nuk duam emrin e kryeprokurorit, por procedurën në frymën e ligjit”, tha Manja.
“Procedura e ndjekur nga komisioni ligjeve është totalisht në përputhje me ligjin. Sekretaria e Kuvendit na bëri me dije këtë vakum në Prokurori, pra që mbaron mandati i kryeprokurorit me datë 7. Gjithashtu sekretariati na njoftoi se KLP, Këshilli i Lartë i Prokurorisë nuk është ngritur pasi shoqëria civile nuk ka paraqitur ende kandidat, prandaj na lind ne detyra për të zgjidhur këtë ngërç. Prandaj ne çelëm procedurat për të gjetur kryeprokurorin e përkohshëm dhe deri nesër në mesditë kandidatët që duan ta marrin këtë pozicion duhet ta kandidojnë”, tha Manja.
“Pretendimet se kryeprokurori duhet zgjedhur me shumicë të thjeshtë apo të cilësuar, e zgjidh Kushtetuta. Kryeprokurori i përkohshëm zgjidhet me shumicë të thjeshtë”, tha deputeti Ulsi Manja.