Policia e Shtetit bën me dije se në bazë të informacioneve të marra në rrugë operative nga Specialistet për Hetimin e Narkotikeve ne Drejtorinë Vendore te Policisë në Berat, është ushtruar kontroll në vendin e quajtur “Qafa e Qershisë" në fshatin Ujanik, Skrapar ku u gjet e fshehur lëndë narkotike.
Në një zonë të pyllëzuar në dy vende të ndryshme u zbulua 697 kg kanabis, e futur në thasë.
Pas veprimeve hetimore, policia sqaron se ka vënë në pranga Hekuran Musabelliu, i dyshuar si posedues i saj.
Ndërsa lidhur me këtë ngjarje, materialet i kanë kaluar Prokurorisë së Rrethit Gjyqësor Berat për veprën penale “Prodhim dhe shitje të lëndëve narkotike”.