Një sërë takimesh të krerëve të qeverive në Ballkan janë zhvilluar sot në Forumin Ekonomik Botëror të Davosit.
Kryeministri Edi Rama zhvilloi takime me homologun grek Aleksis Tsipras, ndërsa ky i fundit takoi gjithashtu edhe kreun maqedonas të qeverisë Zoran Zaev.
Mediat greke zbardhën detaje nga takimi Rama-Tsipras, i cili raportohet se ka zgjatur për rreth 90 minuta.
Në qendër të bisedimeve ishin pakica greke në Shqipëri, të drejtat e emigrantëve shqiptarë në Greqi, si dhe mundësisë që Athina të heqë ligjin e luftës që ekziston mes dy vendeve që nga Lufta e Dytë Botërore.
