Pas një ndërprerje disa minutëshe, seanca plenare në Kuvendin e Shqipërisë ka rinisur sërish me opozitën e ngritur në foltore.
Fjalën e mori nga vendi, deputeti i Partisë Socialiste Erion Braçe, i cili publikisht ka shprehur qëndrimin e tij, se qeveria nuk duhej të kishte vendosur tarifë për Rrugën e Kombit, për banorët e Kukësit.
"Taksa e vendosur nga qeveria – tha Braçe – është shumë e madhe dhe duhet kundërshtuar".
Por sipas tij, Lulzim Basha, kryetar i partisë Demokratike, duhet të mbajë përgjegjësi penale për 1.3 miliardë euro që i kushtoi shqiptarëve ndërtimi i një rruge, e cila ende nuk ka mbaruar.
“Lulzim Basha. ky njeri është kostoja më e madhe për çdo kuksian. Padrejtësia nis në momentin që ky njeri refuzon të dalë para organeve të drejtësisë. Ai duhet t’i kërkojë ndjesë çdo kuksiani”, tha Braçe.