Kryeministri Edi Rama mbrojti sot Saimir Tahirin, por në të njëjtën kohë lëshoi një sinjal të drejtpërdrejtë për Besim Hajdarmatajn, prokurori që ka në dorë çështjen “Tahiri”.
Prej kohësh, përfaqësues të mazhorancës i kanë kujtuar Hajdarmatës që ka mbyllur një dosje të vitit 2015 që lidhet me kapjen e 80 kg kokaine në një kontenier të kompanisë të Arber Çekajt në Itali.
Jo me kot Rama e solli sërish në vëmendje.
Ndoshta për të lëshuar një tjetër sinjal?
“Ata që mendojnë se do të kthehen në pushtet për të rimarrë peng drejtesinë, por edhe e dinë më mirë se të gjithë ne se me çeljen e negociatave, drejtësia shqiptare bëhet një problem i madh për ta pasi ajo hyn në fazën e çeljes deri në fund te kapakëve të zullumeve të mëdha si dhe të lidhjeve reale të politikës me aktivitetet kriminale që nga pastrimi i parave me vulën e partisë e deri tek kuintalët e kokainës të fshehur nën banane me ndihmën e prokurorisë. Ata do ta paguajnë një për një edhe balta e tyre e bën punën e saj në mjegullën e mungesës së drejtësisë…”, tha Rama.
