“Përgjigjen e morët nga Edi Paloka për këtë çështje”, tha Lulzim Basha teksa u pyet nga media lidhur me akuzat e Taulant Ballës se nesër në Kuvend ai do të nxjerrë prova që sipas tij tregojnë se Lulzim Basha është i lidhur me persona të përfshirë në cështjen e 3.4 mln eurove të kapura pak ditë më parë në Durrës.
Por çfarë tha Edi Paloka dy ditë më parë?
“Taulant Balla, një derrkuc i dhjamur nga paratë e drogës që pastron bashkë me bandën e Elbasanit, sot nuk u zgërdhi. Taulantit i ka ikur zgërdhirja. Taulantit i ishte tharë buzë e mezi fliste. Taulanti u përtyp e u përtyp si derrkuc i dhjamur i ngecur në baltë, po nuk tha asgjë. Sepse derrkuci e di që ka ngecur në baltë.
Dy pyetje për derrkucin me Toyota:
Akuzën në prokurori për Lulzim Bashën pse nuk e bën që sot, po ke vendosur të presësh deri në fund të javës?
Aktorin e Babales pse nuk e nxjerr që sot që ta shohë e gjithë Shqipëria, po e mban kaq gjatë të fshehur?
Për ta kuptuar hallin e madh që ka zënë derrkucin e Toyotës, kujtoni se çfarë thoshte derrkuci për avionët e drogës para tre vjetësh, kujtoni se çfarë thoshte derrkuci për Saimir Tahirin, çfarë thoshte derrkuci për Elvis Rroshin, çfarë thoshte derrkuci për Agron Xhafajn”, komentoi Paloka në Facebook.
