Henrik Kristoffersen nga Norvegjia shënoi fitoren e dytë në sllallom për edicionin e sivjetshëm. Kristoffersen zuri vendin e parë në Kupën e Botës në disiplinën e skive që u mbajt në Madonni di Campiglio në Itali. Henrik Kristoffersen pati kohën më të mirë për 1:33,93 minutë ose ka qenë më i shpejtë për 33 qindtat se kampioni në fuqi i botës, Marcel Hirscher. Në vend të tretë është italiani Stefano Gross, por me kohë më të dobët për 1 sekondë e 35 qindtat se pozita e parë. Në renditjen e përgjithshme të Kupës së Botës, Marcel Hirscher udhëheq me 633 pikë, pasojnë Kristoffersen (382), norvegjezi Kjetil Jansrud (382), francezi Alexis Pinturault (349) etj. Në disiplinën e sllallomit, Marcel Hirscher udhëheq me 260 pikë, i përcjellë nga Henrik Kristoffersen (200), italiani Manfred Mölgg (146), austriakun Michael Matt (144).
Rezultatet
1. Henrik Kristoffersen (Norvegjia) 1:33,93
2. Marcel Hirscher (Austria) +0,33
3. Stefano Gross (Italia) +1,35
4. Manfred Mölgg (Italia) +1,45
5. Andre Myhrer (Suedia) +1,53
6. Daniel Yule (Zvicra) +1,56
7. Alexis Pinturault (Franca) +1,83
8. Naoki Yuasa (Japonia) +2,04
9. Patrick Thaler (Italia) +2,05
10. Marco Schwarz (Austria) +2,07
