Skiatori francez, Alexis Pinturault, shkëlqeu në disiplinën e superkombinimit të Kupës së Botës, që u mbajt në Qendrën e Skive në Santa Caterina të Italisë. Pinturault ka qenë më i mirë se skiatorët e tjerë dhe zuri vendin e parë me kohë të kaluar për 2:19.71 minuta. Ai pati kohën për 34 qindtat më të mirë se kampioni në fuqi, Marcel Hirscher, kurse norvegjezi Aleksander Aamodt Kilde u rendit në vend të tretë me kohë më të ngadalshme për 1 sekondë e 13 qindtat se pozita e parë. Në renditjen e përgjithshme të Kupës së Botës, Hirscher kryeson me 713 pikë, duke lënë pas norvegjezin Jansrud (482), Pinturault (465), norvegjezin Kristoffersen (382) etj.
Rezultatet
1.Alexis Pinturault (Franca) 2:19.71
2. Marcel Hirscher (Austria) 0.34
3. Aleksander Aamodt Kilde (Norvegjia) 1.13
4. Justin Murisier (Zvicra) 1.87
5. Victor Muffat Jeandet (Franca) 2.00
6. Erik Read (Kanada) 2.41
7. Luca Aerni (Zvicra) 2.87
8. Mauro Caviezel (Zvicra) 2.92
9. Valentin Giraud Moine (Franca) 3.08
10. Ryan Cochran-Siegle (SHBA) 3.13