Kina po zhvillon anijen e re të avancuar që do të jetë në gjendje të fluturojnë në orbitën e ulët të Tokës dhe të ulet Hënë, shkruan gazeta kineze e Shkencës dhe Teknologjisë.
Inxhinieri i anijeve kozmike, Zhang Bajnjen, i tha gazetës se fluturakja e re do të jetë në gjendje të kthehet në Tokë dhe do të ketë më shumë hapësirë për astronautët.
Zhang nuk dha hollësi të tjera në lidhje me fluturaken, por e krahsoi me anijen kozmike "Orion" të zhvilluar nga Agjencia Kozmike Evropiane dhe NASA amerikane.
Misioni i pare hapësinor me njerëz i Kinës ishte tek në vitin 2003, por qysh nga ai vit ka përparuar shpejtë.
Vitin e kaluar ajo ja kaloi Rusisë dhe u barazua me SHBA-të në numrin e nisjes së raketave - Kina dhe SHBA lansuan 22 raketa, ndërsa Rusia 17.
Në misionin e fundit në fund të vitit të kaluar, dy astronautë kaluan një muaj në stacionin hapësinor kinez.
Në pesë vitet e ardhshme, Kina planifikon të ketë një stacion plotësisht funksional të hapësirës me një ekuipazh të përhershëm, dhe në të ardhmen planifikon të dërgojë një mision me ekuipazh në Hënë.
