E kujt ishte ideja që të ndryshohet ora? - Bota Sot
E kujt ishte ideja që të ndryshohet ora?

Speciale

E mërkurë, 13 dhjetor 2017

E kujt ishte ideja që të ndryshohet ora?

Më: 30 tetor 2017 Në ora: 09:54
Foto ilustruese

Nga dje deri në fund të marsit mund të flini një orë më shumë.

Të dielën, në orën 03:00 akrepat u kthyen 60 minuta prapa duke ju mundësuar njerëzve që të flenë një orë më shumë. Ndryshimi i orës në Evropë u vendos si ligj evropian në vitin 1981.

Zhvendosja e akrepave në Evropën Perëndimore është vendosur në fillim të viteve ‘70-ta me shpjegimin se me këtë “zgjatet” dita, rritet produktiviteti, përmirësohet aftësimi i njerëzve dhe dita e punës bëhet më efikase.

Por, e kujt ishte ideja që të ndryshohet ora? Një anglez i quajtur, William Willett në vitin 1907 prezantoi idenë e ‘Kohës Verore’, në mënyrë që njerëzit të mos i çojnë kot orët e çmuara të dritës gjatë mëngjeseve verore.

Ideja e tij erdhi në mënyrë që t’i nxirrte njerëzit nga shtrati më herët, duke e ndryshuar orën. Ai propozoi se ora duhet të shtyhet për 60 minuta në katër hapa progresiv gjatë muajit prill dhe në të njëjtën mënyrë gjatë muajit shtator.

Willett pastaj kaloi pjesën tjetër të jetës së tij duke u përpjekur për t’i bindur njerëzit se skema e tij ishte e duhura.

Dhe qysh nga ajo kohë, edhe në vendin tonë ora ndërrohet dy herë, në fund të tetorit dhe në fund të marsit.

Sot mund të lexoni Shfletoni kopertinat
Sondazh
    test