Tare: Meritat për sukses i takojnë të gjithëve - Bota Sot
Tare: Meritat për sukses i takojnë të gjithëve

Sporti

E mërkurë, 24 gusht 2016

Tare: Meritat për sukses i takojnë të gjithëve

Nga: Alban Lumi Më: 12 tetor 2012 Në ora: 13:37

Ish kapiteni i kombëtares shqiptare, Igli Tare, i cili pasi vari këpucët në gozhdë, vazhdoi me zejen e drejtorit sportiv, vlerësohet si më i merituari për sukseset e skuadrës në këtë fillim stinori.

Por Tare është treguar mjaft modest, pasi ka refuzuar t’i marrë meritat, për momentet pozitive që po kalon Lazio këtë sezon. Pas shtatë javësh, lacialët kanë konkretizuar pesë fitore, duke i qëndruar pranë dy të parëve në renditje, Juventusit dhe Napolit. Pikërisht futbollistët që i solli Tare si Kloses, që shënon vazhdimisht, e Hernanes në formë, e bëjnë skuadrën më konkurruese. Kjo skuadër tani vërtet paraqitet si ekip i mirë, që funksionon për mrekulli. “Nuk është një çështje individualësh, sepse nëse një skuadër bëhet orkestër, me të gjithë interpretuesit që veprojnë në perfeksion, atëherë gjithçka transformohet në një kënaqësi të madhe”, ka thënë Tare për ‘Leggo’. Më pas ish sulmuesi shqiptar, e ka falënderuar presidentin e klubit, Claudio Lotito, i cili e ka ndihmuar në profesionin e drejtorit sportiv, pasi e mbylli karrierën si futbollist, vite më parë. “Presidenti ka besuar gjithmonë në mua, kundër gjithçkaje dhe të gjithëve. Kjo më ka ndihmuar shumë sepse, kur duhet të punosh në një vend të vështirë si Roma, nëse e ke besimin e klubit, shkon përpara në rrugën tënde pa i dëgjuar shumë kritikat”, vazhdoi Tare. Ai më pas ka shtuar :“Lazio duhet ta konfirmojmë se sa të mirë jemi, duke vazhduar në këtë rrugë. Duhet të qëndrojmë me këmbët në tokë, pasi kampionati është i ekuilibruar. Ne duam ta shijojmë ditën, duke menduar lojë pas loje, pa ëndërruar shumë”, përfundoi Tare.

Komentet
comments powered by Disqus
Sot mund të lexoni Shfletoni kopertinat
Sondazh Kush ka të drejtë dhe çfarë duhet të bëj Qeveria me demarkacionin me Malin e Zi?

    Kuvendi duhet ta votojë marrëveshjen për demarkacion me Malin e Zi

    Qeveria duhet ta rishikoj marrëveshjen

    Opozita ka të drejtë që po kundërshton demarkacionin

    Qeveria ka të drejtë për demarkacionin

    Nuk duhet të votohet marrveshja, sepse me demarkacion Kosova humbë tokë

    Shiko rezultatet
test