Kampioni aktual i basketbollit të Kosovës, Trepça pas humbjes nga Peja javën e kaluar, një gjë të tillë e përjetoi edhe në duelin e fundit ndaj Sigal Prishtinës. Kjo fundit e përmbylli takimin me nëntë pikë dallim, 69:60.
Kryendeshja e javës së katërt në BKT Superigën e Kosovës në basketboll, i ka takuar Sigal Prishtinës, në takimin që në vazhdimësi ishte në avantazh përball, Trepçës. Prishtinasit e përmbyllën takimin me rezultat 69:60. Ndërkaq njëjtë si në përballjen në mes Pejës dhe Bashkimit, edhe në atë të në kryeqytet, minutat e fundit, tek rezultati 63:55, u zhvilluan pa praninë e shikuesve, të cilët ndezën fishekzjarrë para kohe dhe e mjegulluan Palestrën, me ç’rast të gjithë u dëbuan jashtë dhe u prish e gjithë atmosfera e takimit. Gjithashtu duhet cekur se pati edhe të lënduar nga hedhjet e gjësendeve të forta që vinin kryesisht nga tabori i “Torcidës”, adhuruesve të Trepçës.
Çereku i parë foli bardh e kaltër, duke përfunduar 20:11. Periudha e dytë ishte e barabartë (14:14) dhe prishtinasit shkuan në pushim me avantazh të njëjtë prej nëntë pikësh, 34:25. Në 10 çerekun e tretë, “xehetarët” ishin më të mirë, duke e mbyllur atë me 19:16, për ta ngushtuar rezultatin pas tre çerekëve në 50:44. Kampioni aktual në këtë periudhë u afrua në vetëm dy pikë, por në çerekun e katërt mikpritësit e rikthyen epërsinë dhe në fund fituan me 9 pikë avantazh.
BKT-Superliga – Java e katërt
Rezultatet
Peja – SK Bashkimi 87:67
Kosova – Vëllaznimi 76:95
S. Prishtina – Trepça 69:60
RTV 21 – Drita (u ndërpre)
Tabela
1. Peja 8 pikë
2. Sigal Prishtina 7
3. SigKos Bashkimi 7
4. Vëllaznimi 7
5. Trepça 6
6. Kosova 4
7. Drita 3
8. RTV 21 3
