Është zhvilluar gara e parë e kartingut për Kampionatin e Sivjetmë të Kosovës në Automobilizëm. Në Qendrën e Panaireve në Gazimestan, kanë marrë pjesë 11 garues nga katër auto klube, ndërsa nuk mungoi as interesimi i dashamirëve të kësaj discipline.
Për shkak të numrit të vogël të pjesëmarrësve, gara u zhvillua në tri klasa dhe ishte mjaft interesante. Kryetari i FASK-ut, Ismet Rexhepi, është shprehur i kënaqur me ecurinë e saj. “Gjithçka ka shkuar ashtu siç e kishim menduar. Ishte një ditë e mirë për auto sportin dhe për kartingun në veçanti. Në përgjithësi pjesëmarrësit janë kënaqur në garë, ndërsa ne menjëherë duhet të mendojmë për garën rrethore, e cila në fundjavë zhvillohet në Ferizaj, e pastaj të përqendrohemi për ‘Drag Race’, e cila në program është me 6 e 7 korrik, për të cilën sivjet interesimi është i jashtëzakonshëm”, është shprehur Rexhepi pas përfundimit të garës së kartingut.
Rezultatet
Klasa e parë:
1.Ylli maliqi (Peja)
2.Dren Mariqi (Prizreni D&G)
3.Behram Rama (NIA)
Klasa e tretë:
1.Liri Kalenderi (Prizreni D&G)
2.Besnik Kameri (Eurogoma)
3.Lidra Haxhihasani (Peja)
4.Eris Maliqi (Peja)
Klasa e gjashtë:
1.Hasan Vuqitërna (Rahoveci)
2.Albin Memaj (Prizreni D&G)
3.Arbor Gutiqi (Peja)
4. Artan Hasanaj (diskualifikim)
Renditja ekipore:
1.Prizreni D&G 50 pikë
2.Peja 44 pikë
3.Rahoveci 20 pikë
4. Eurogoma 15 pikë.
