Kryetarit të Komitetit Olimpik, Besim Hasanit, nuk po i shkruhet mirë. Disa federata dhe delegatë kanë mbledhur nënshkrimet për anulimin e Kuvendit zgjedhor të Komitetit Olimpik të Kosovës, që u mbajt me 21 dhjetor të vitit të kaluar në Prishtinë. Sepse sipas ttyre nuk ka qenë i rregullt dhe janë shkelur disa procedura. “Secili delegat vepron në mënyrë të pavarur”, thotë një burim që ka dorëzuar kërkesën në Ministrinë e Sportit. Ai ka treguar edhe emrat e federatave që kanë kërkuar anulimin e mbajtjes së Kuvendit zgjedhor. “Nuk kemi asgjë personale me Besim Hasanin. Federata që kanë kërkuar anulimin e Kuvendit janë: Pingonpongu, Mundja, Atletika, Kick-Box-i, Sporti Shkollor dhe Alpinizmi-Bjeshkataria. Kryetar të Federatave që kanë nënshkruar janë: Nehat Çitaku, Naim Muja, Halil Sylejmani, Fatmir Makolli, por janë edhe Jeton Beqiri dhe Besire Domaniku nga Pingpongu, Sanije Krasniqi dhe Durim Berisha (Mundje)”, ka thënë një burim.
