Kompania Facebook është duke kërkuar metoda për mbajtjen e lidhjeve të internetit në raste emergjente.
Në të kaluarën, kompania ka tentuar që një gjë të tillë ta bëjë përmes dronëve, por së fundit ka ardhur deri tek ideja që të testojë helikopterin-dron.
Kompania parashikon që pajisjen ta përdorë në rastet kur nevojitet reagim urgjent, siç janë katastrofat natyrore, tek infrastruktura e dëmtuar.
Natyrisht, këtu bëhet fjalë për një helikopter të vogël dron, por i cili aktualisht ndodhet në fazë të hershme të zhvillimit, që do të thotë se nuk duhet të presim që ta shohim brenda një kohe të shpejtë në aksion.