Në muajin shkurt, Viber u bë ndër shërbimet e para që pranoi kodin e ri telefonik të Kosovës +383.
Pas vështirësive dy vjeçare, kodi telefonik u miratua në dhjetor të 2016-së nga Unioni Ndërkombëtar i Telekomunikacionit.
Tashmë listës së shërbimeve që mbështetin kodin +383 iu bashkuan edhe gjiganti i motorit të kërkimit Google si dhe platforma e komunikimit WhatsApp.
Qytetarët mund të regjistrohen në WhatsApp me kodin e ri telefonik, ndërsa përdoruesit të cilët shfrytëzojnë verifikimin me dy faktorë (2FA) të Google nuk do të kenë probleme të qasen në llogaritë e tyre.
