SHBA, zhbllokohet shitja e tabletave “Samsung” - Bota Sot
SHBA, zhbllokohet shitja e tabletave “Samsung”

Teknologji

E hënë, 29 gusht 2016

SHBA, zhbllokohet shitja e tabletave “Samsung”

Më: 2 tetor 2012 Në ora: 20:51

Ndalimi i shitjes së tabletave të kompanisë “Samsung Electronics” në Shtetet e Bashkuara është hequr nga një gjykatë amerikane.

Gjyqtarja Lucy Koh dha vendimin duke shfuqizuar ndalimin që ishte vendosur në kuadër të betejës gjyqësore për patentën e tabletave me “Apple”.

Ndalimi hyri në fuqi më 26 qershor. Nga ana tjetër, “Samsung” depozitoi të martën një padi ndaj produktit të fundit të “Apple”, iPhone 5, duke thënë se ka shkelur patentën e tij.

“Apple” dhe “Samsung”, dy kompanitë lider në tregun fitimprurës të smartphone-ve, janë përfshirë në një betejë ligjore lidhur me ekskluzivitetin e ideve për produktet e tyre në të paktën 10 shtete.

Vendimi për të ndaluar shitjen e tabletës “Galaxy Tab” ishte marrë pas një gjyqi njëmujor mes dy kompanive.

Në gusht, në përfundim të gjyqit, “Apple” siguroi fitoren për akuzën ndaj “Samsung” se kishte kopjuar iPhone-in dhe iPad-in e saj për të realizuar produktet e veta.

Gjithashtu, kompania e themeluar nga Steve Jobs mori edhe një dëmshpërblim prej 1 miliard dollarësh për shkak të dëmeve që i ishin shkaktuar.

Gjithësesi, juria këtë herë vendosi se “Samsung” nuk e kishte shkelur patentën, që u bë motivi kryesor për ndalimin e shitjes së tabletës së saj. Për rrjedhojë, “Samsung” kërkoi që embargoja të hiqej.

Komentet
comments powered by Disqus
Më të lexuarat
Sot mund të lexoni Shfletoni kopertinat
Sondazh Kush ka të drejtë dhe çfarë duhet të bëj Qeveria me demarkacionin me Malin e Zi?

    Kuvendi duhet ta votojë marrëveshjen për demarkacion me Malin e Zi

    Qeveria duhet ta rishikoj marrëveshjen

    Opozita ka të drejtë që po kundërshton demarkacionin

    Qeveria ka të drejtë për demarkacionin

    Nuk duhet të votohet marrveshja, sepse me demarkacion Kosova humbë tokë

    Shiko rezultatet
test